नवीन वर्ष - नवीन उमेद

हे ईश्वरा सर्वांना

चांगली बुद्धी दे आरोग्य दे

सर्वांना सुखात

आनंदात ऐश्वर्यात ठेव

सर्वांच भल कर

कल्याण कर रक्षण कर

आणि तुझे गोड नाम

मुखात अखंड राहू दे

सरते वर्ष

             आपल्या महाराष्ट्रात नवीन वर्षाची सुरुवात गुढीपाडव्याला साजरी करण्यात येत असली तरीही ३१ डिसेंबरची चाहूल सर्वांनाच असते. आणखी एक वर्ष संपत आलंय आणि दुसऱ्या दिवशी नवीन वर्षाचा सूर्य आसमंताला प्रकाशित करणारा असेल.

             ठरलं काय ?  अरे पण काय ठरलं ? ३१ डिसेंबर विशेष योजना काय आहे ?  डिसेंबर महिना सरतेवेळी सर्वांच्या चर्चेचा विषय असतो. लहान मुली मुलांना फार कौतुक, वर्षाचा शेवटचा दिवस पण मोठ्यांच्या मनात एकच विचार असतो अरे बापरे ! हे वर्ष किती लवकर संपलं. किती लवकर लवकर दिवस गेले. घड्याळ ही आपल्याच वेगाने चालत असली तरीही आता वेळ खूप कमी आहे अस आपल्याला भासत असते. सर्व आपल्या कामात मग्न असतात आणि त्यामुळे वेळेचे भान नसते.

  

              प्रत्येकाच्या मनात नवीन वर्षाबदलच्या नवीन आकांक्षा निर्माण होतात. जरी हे वर्ष कष्ट करण्यात गेलं असेल तरी नवीन वर्षी नवीन यश हातात येऊ देत हिच इच्छा बाळगत नवीन वर्षाच स्वागत करत असतात. प्रत्येक वर्षी काहीतरी नवीन शिकायला मिळतं, आपल्याकडून झालेल्या चुका सुधारून नवीन आयुष्य घडवायला मिळतं.

चांदणी

निरभ्र आकाशी प्रकाशाची चाहूल लागली 

माझे पाऊल हे गच्चीकडे धावू लागली

लुकलुकणाऱ्या चांदण्यांनी वेधून घेतले माझे मन

तारे बघण्यात माझे कमल नयन झाले मग्न 

असंख्य ताऱ्यांच्या जगात मी होती तीला शोधत  

ती स्वयंप्रकाशित चांदणी माझ्या पडली नजरेत

आजीबाईच्या खाटेचे ४ पाय आणि ३ चोर 

शोधण्यात मग्न झाले आणि दिसली उगवती चंद्रकोर 

चांदण्यांनी भरलेलं आकाश बघून कौतूक वाटले

चांदण्या मोजता मोजता थंडगार हवेत डोळे निजले 

आली दिवाळी 🪔

मी रांगोळी काढत असताना तू अलगद क्षण कॅमेरा मध्ये टीपावे. 

माझं लक्ष जाताच मी हसून पोझ द्यावी

दिवाळीची खरेदी करून तू आणावी आणि 

त्याचा उपयोग आपल्यासाठी करावा

चक्कीवरून दळण तू आणून द्यावे,

दिवाळीचा फराळ आपण बनवावा

तू घराला रोषणाई करावी

मी घराची लक्ष्मी घराला समृद्ध करावं

आपल्या संसाराच्या प्रकाशित दिव्याची वात मी 

तर त्या ज्योतीला प्रकाशमान ठेवणारं तेल तू असावं

तू छान रंग मला आणून द्यावे

मी दिव्याला सुंदर रंगकाम करावे

सूर्यास्त झाल्यावर दिवे घेऊन मी अंगणात पाऊल टाकावं

आणि तू ते दिवे सजवून ठेवावे

झेंडूच्या फुलांचे आणि आंब्याच्या पानांचे तोरण दारी तू लावावे,

लक्ष्मी आपल्या घरी नांदावी यासाठी प्रवेशद्वाराची पूजा मी करावी

गाय आणि वासरू तू शोधून आणावे, 

भुरशीची पूजा करून मी गायगोधन  करावे

नरक चतुर्दशीच्या पहाटे उठून उत्साहात तू असावं, 

सुगंध उटन बनवून तुला प्रेमाने मी लावावे

लाकडी पाटावर विराजमान तू व्हावे, 

दीपावली पाडव्याला मी तुला ओवाळावे

पूजेला तू पारंपरिक पोशाख घालावा, 

सौभाग्यलंकार ठहराव करून मी नऊवारी घालावी

प्रत्येक पूजेला जोडीने देवाचा आशीर्वाद घेऊन 

आपला संसार सुखाचा असावा ही प्रार्थना करावी

असा असावा साथीदार 💞

कसा असावा साथीदार तर तो असा असावा

आयुष्यात चॉकलेट देणारा नसेल तरी चालेल पण 

वेळ आल्यावर गोळ्या आणि औषध देणारा असावा

प्रेमाची कबुली देणारा नसेल तरी चालेल पण

 कृतीतून प्रेम व्यक्त करणारा असावा

आनंदाच्या क्षणी सोबत नसेल तरी चालेल पण

 दुःखात असताना साथ देणारा असावा

भेटवस्तू देणारा नसेल तरी चालेल पण

 डोळ्यातले अश्रू पुसून चेहऱ्यावर हास्य देणारा असावा

स्वप्न दाखवणारा नसेल तरी चालेल पण 

स्वप्न सत्यात उतरवायची धमक असणारा असावा

परीकथेतील राजकुमार नसेल तरी चालेल पण 

खऱ्या आयुष्यातील व्यक्तिमत्त्व आदर्श असा असावा

परदेशी नेणारा नसेल तरी चालेल पण 

आवडत्या ठिकाणी फिरायला नेणारा असावा

स्वयंपाक नाही आला तरी चालेल पण 

सोबतीने जेवणाचा आस्वाद  घेणारा असावा

संपूर्ण आयुष्य सुखाचे नसेल तरी चालेल पण 

प्रत्येक क्षणाला साथ निभावणारा असावा

वारंवार कौतुक करणारा नसेल तरी चालेल पण

मनातून कौतुकाची थाप देणारा असावा

पैशाने श्रीमंत नसेल तरी चालेल पण 

मनाने, स्वभावाने आणि माणुसकीने श्रीमंत असावा

माफी मागणारा नसेल तरी चालेल पण

कायम सत्याच्या मार्गाने जाणारा असावा

गोड गोड बोलणारा नसेल तरी चालेल पण

चार चौघात बायकोचा सन्मान ठेवणारा असावा

कसा असावा साथीदार तर तो असा असावा.