मी रांगोळी काढत असताना तू अलगद क्षण कॅमेरा मध्ये टीपावे. माझं लक्ष जाताच मी हसून पोझ द्यावी
दिवाळीची खरेदी करून तू आणावी आणि त्याचा उपयोग आपल्यासाठी करावा
चक्कीवरून दळण तू आणून द्यावे आणि दिवाळीचा फराळ आपण बनवावा
तू घराला रोषणाई करावी आणि मी घराची लक्ष्मी घराला समृद्ध करावं
आपल्या संसाराच्या प्रकाशित दिव्याची वात मी तर त्या ज्योतीला प्रकाशमान ठेवणारं तेल तू असावं
तू छान रंग मला आणून द्यावे आणि मी दिव्याला सुंदर रंगकाम करावे
सूर्यास्त झाल्यावर दिव्यांच ताट घेऊन मी दाराबाहेर पाऊल टाकावं आणि तू ते दिवे सजवून ठेवावे
झेंडूच्या फुलांचे आणि आंब्याच्या पानांचे तोरण दारी तू लावावे, लक्ष्मी आपल्या घरी नांदावी यासाठी प्रवेशद्वाराची पूजा मी करावी
गाय आणि वासरू तू शोधून आणावे, भुरशीची पूजा करून मी गायगोधन करावे
नरक चतुर्दशीच्या पहाटे उठून उत्साहात तू असावं, सुगंध उटन बनवून तुला प्रेमाने मी लावावे
लाकडी पाटावर विराजमान तू व्हावे, दीपावली पाडव्याला मी तुला ओवाळावे
पूजेला तू पारंपरिक पोशाख घालावा, सौभाग्यलंकार ठहराव करून मी नऊवारी किंवा सहावारी घालावी
प्रत्येक पूजेला जोडीने देवाचा आशीर्वाद घेऊन आपला संसार सुखाचा असावा ही प्रार्थना करावी
